OHIKO GALDERAK

Gurekin eskubaloian hasi nahi baduzu, jar zaitez gurekin harremanetan cdegiabalonmano@gmail.com helbidean edo azpian aurkituko duzun formularioa bete.

Urteko kuotak, entrenatzaileak, lizentziak, aseguruak, arbitroak, etab. ordaintzeko, hauek dira:

• Alebinak (2013-2014 jaioak): 150 euro

• Infantilak (2011-2012 jaioak): 200 euro

• Kadeteak (2009-2010), jubenilak (2007-2008) eta seniorrak (+18 urte): 280 euro

Kuota ordaintzeaz gain, jokalari guztiek Kirol Txartela izan behar dute Egiako Kiroldegian entrenatzeko. Kirol Txartela egiteko bi aukera daude:

• Donostia.eus web orrialdetik egin dezakezue

• Kiroldegi guztietan, harreran, Kirol Txartela egiteko aukera dago

Azkenik, alebin kategorian izena emateko, beharrezkoa izango da bakoitzaren ikastetxean edo ikastolan Eskola Kirolean aritzea. Horrela ez bada, klubak ezingo dio jokalari horri lizentzia egin.

Partidak jokatzeko kamisetak eta prakak maileguan erabiltzen dira denboraldian zehar; urrian banatzen dira eta maiatzean jaso. Baldintza egokietan bueltatuz gero, ez da ezer ordaindu behar. 

Motxila erosi nahi baduzu, gure bulegoan bakarrik egin dezakezu. Motxilaren prezioa 25 euro

Gainera, txandala, kamiseta, poloa... erosi nahi badituzu, webgune honetan bertan duzu sarbidea "denda" atalean.

Infantiletan eta kadeteetan ez dago asuguru mediku pribaturik; lesio edo istripuren bat gertatuko balitz, Osakidetzara (larrialdietara edo ohiko kontsultara) joan beharko zenuke.

Jubeniletatik gero, Euskal Eskubaloi Federazioaren bidez, aseguru mediko pribatua dago. Larrialdi kasuan, Donostiako Poliklinikara joan behar duzu. Traumatologoarekin ohiko kontsulta eskatzeko, Egiako Quiron zentroan edo Donostiako Poliklinikan zita eskatu behar duzu. Kasu guztietan, jokalariaren NAN eta lizentzia eramatea derrigorrezkoa da (entranatzaile bakoitzak, bere jokalarien lizentziak izango ditu).

Zalantzarik baduzu, jarri gurekin kontaktuan.